Hüt isch ä spezielle Tag und Zit für ne spezielle Blog ire spezielle Sprach (Bärndütsch) für 2 spezielli Mönsche.
Liebi Tane, liebe Jüre
Zu euem hütige Hochzitstag wünsche mir vo Härze nume ds Beste. Dä Tag söu genau so wärde wie dir euch das erträumt und erhofft heit und dass dir euch ou chöit Zit näh und die liebe Mönsche um euch ds gniesse! D’Sunne söu mit dir Tane um d’Wett strahle, mir chöi üs die glänzende Ouge vo de Lüt vorsteue, we si die wunderschöni Brut und dä charmant Brütigamm gseh. Äs söu eifach rundum ä zfridne, gsellige und einzigartige Tag wärde, im Zeiche vor Liebi 🙂 Im Härze si mir ganz fest bi euch und wärde – no meh aus süsch – ganz fest a euch dänke und wünschte genau i däm Ougeblick mir dörfte mit euch fiire.
Mir wünsche euch stets äs lachends Härz, viu Liebi und und Vertroue, ä innigi Zwöisamkeit und ä sichere Hafe (vor Ehe) we mau söt dr Sturm wüete. Dir sit so äs schöns Paar und mir freue üs scho itze druf mit euch de chöne a ds stosse we mir wider deheime si.
Während der Reis hei mir speziell für eue Tag äs paar Idrück gsammlet, just for you.
I grosser Fründschaft Rebi und Tinu
Hallo dir zwe Globetrotter
härzleche dank für eue itrag hiä äxtra für üs! Eui idee si super! Mir hei mega fröid, dass dir so a üs dänket! Mir hei e unvergässleche Hochziitstag verbracht, mit super guete Lüt gffiret, agstosse, schöni Überraschige, romantischi Momänt, u viu gfröits erläbt.
Dr film biitrag usem höche Norde (inkl. Gsangs iilag) isch eis vo de viune Highlights gsi!
Schad heit dir nid chöne derbi si, mir fröie üs scho sehr mit öich uf dä Tag chöne azstose.
Dicke Muntsch u e drücku
vo de Eschmann’s